أهــــلا أهــــلا
أكثر سؤال يجني حول هالكريمات فاختصرتهم بصورة 😊 رغم تكلمت كثيير عنه و في صور قديمة ✨ . .
من اليمين :
فيوسيدين Fucidin: استخدمه زمان لمن كنت اشيل فتله لوجهي بعد ما اشيل استخدمه لمدة ٣ ايام قبل ما انام عشان ماتطلع لي حبوب ، أو اذا كانت عندي حبه و انفتحت “يعني تصير زي جرح” استخدمه عليها كمان ٣ ايام ، او اخلطة مع ميبو “كلام الاخصائية” بعد الليزر لمدة ٣ ايام على كل جسمي 😷مااحب ريحة ميبو لكنه ممتاز باختصار مااستغني عنه هالكريم و اعتبره اساسي يكون عندك !
معلومات اكثر عن فيوسيدين اضغطي هنا
سكينورين Skinoren: استخدمه على آثار الحبه او شخصيا استخدمه مع اكرتين “اخلط شوي ” و احطه على اي حبه جديده كل يوم قبل لا انام لين يروح ” ماينفع تستخدمينه ملخبط مع اكرتين على كامل الوجه او على حبه مفتوحه لازم تكون اما حبه جديده او آثار ” … لكن تقدرين تستخدمينه لحاله على كامل وجهك قبل النوم يوحد لون البشرة من اي تصبغات و ماله اي ريحة خايسه
معلومات اكثر عن سكينورين اضغطي هنا
اكرتين Acretin: اكثر كريم تكلمت عنه من ٤ سنوات، ممتاز ! باختصار استخدمه على ايه حبه زي ماقلت فوق ، يحتوي على فيتامين A ، ممكن يقشر بشرتك شوي ، لكن فعال جدا لحب الشباب ، تقدرين كمان تستخدمينه نفس طريقة اللي فوق لحاله قبل النوم على كامل الوجه طبعا ماعدا حول العين
معلومات اكثر عن اكرتين اضغطي هنا
هذا اختصار الكريمات اللي استخدمه لاي حبه فوجهي , واعتبر هالكريمات اساسيه مااستغني عنها -للعلم بشرتي مختلطه ،تطلع لي حبه فوقت الدورة او اذا كنت سترس .. اذا استخدمت اكرتين وسكينورين ملخبطين ممكن يحمر منطقة اللي وضعت فيه الكريم ثاني يوم اوقف الكريم واستمر على ترطيب لين يروح و ارجع للكريم و زي كذا لين تروح اي حبه او اثر ☕ يعني مااستمر عليها وهي محمره لازم اوقف و ارطب ، الترطيب مهم وقت التقشير ولا بتصير ردة فعل عكسية. . . ️اتمنى تستشيرين دكتورك قبل ما تستخدمين اي شي انا شخصيا استخدمه 😊
شكرا ♦
