تجربتي في كورس الشعر

قبل فترة طويلة جربت هالمنتجين لسه ما خلصوا لاني ما استمريت عليهم لكن يستحقون يكونون ضمن المنتجات اللي اتكلم عنها ..

قبل ما ابدأ زي ما تعرفون الأكل له أكبر تاثير على بشرتك وشعرك وكمان نفسيا او هرمونيا يعني اسباب كثيره  ..  لو استخدمتي كل انواع الامبولات والكريمات وماشفتي نتيجه فتاكدي انك مقصرة من ناحية ايش يدخل جوا هالجسم اوحالة جسمك النفسية او في شي غلط يدور  جوا .. يعني يحتاج ترجعين للمصدر عشان تقدرين تتحكمين بالمشكلة.

لي فترة طويلة موقفة اصبغ شعري عشان حابة اهتم فيه بعد ما تعب لاني شخصيا احب اغير الوان شعري كل كم شهر , و للاسف و انا مسافرة صار موقف في صالون الله لا يعيده فجأة ما الاقي الا حاطين لي سحب لون و ما عرفت الا من ريحته طبعا عملت لهم مشكلة لكن خلاص وش الفايدة .. المهم لمن طلع شعري الطبيعي اكتشفت الجهة اليسار من مقدمة الشعر احس انها اخف من اليمين فضايقني هالشي لكن ما سبب لي ازمة ماشاءالله لاني عارفة اني مقصرة بحق شعري و نسيته بعد فترة صرت انتبه له اكثر هو مو باين لكن كل واحد يعرف نفسه و صرت الاحظه كل ما ناظرت فالمرايه “وسوسه” 

هالكلام في ٢٠١٥ يعني اكيد حاليا في اختيارات اوسع ..هو محلول لاعادة نمو الشعر هذا يستخدم للنساء و الرجال يفضلون ان النساء تستخدم نسبة 2%يعالج الصلع و الثعلبة و يزيد من نمو الشعر .. في له التزامات يعني مثلا ما ينفع للي عندهم ضغط .. الخ يعني لازم تسالين الدكتور أول .. المهم هذا اتعب اقول افضل سائل او علاج لنمو الشعر رغم اني ما جربت غيره .. لكن ما ابالغ لو اقول انه من بعده حسيت شعري صار اكثر حولين الجبهة يعني انتبهي يطيح على جبهتك زي لان فعلا طلع لي الشعر في بدايات الجبهة  و عبا الاماكن اللي ابغى يعبيها صار في شعيرات صغيره لكن لسه يبغالي استمر لاني كمان مو حريصة بالاستخدام و رغم هالشي ماشاءالله شايفة النتيجه بعيني

طريقتي : استخدم كاستاليا قبل النوم بعد ما اتحمم .. و هذا اليوم الثاني استخدمه المغرب مره و بليل مره .. و اليوم الثالث   بليل اتحمم و كاستاليا …. على كلام الدكتور ينفع تستخدمينه مرتين باليوم فاليوم اللي ما استخدم كالستالا استخدمه مرتين 

رأي
اسالي الدكتورة قبل لا تستخدمينه لكن نعم انصح فيه