أهــــلا أهــــلا
اللي يتابعني يعرف اني كل كم شهر احب اغير روتيني كامل او ابدل منتج بمنتج ثاني او اضيف منتج لروتيني ، الفترة اللي راحت استمريت على هالروتين لمدة شهور ،رغم اني ماني حريصة استخدم الروتين كامل يوميا على حسب مزاجي لكن النتيجة احس بشرتي تحسنت ،، كيف تحسنت ؟ هنا السؤال المهم
كثير من البنات ينتظرون رفيو تفاصيل المنتج من حسابي او حساب غيري و ايش عالج من مشاكل في بشرتنا رغم انه مشاكل بشرتي تختلف عن مشاكل بشرتك فما تقدرين تحكمين هل هو بيعالج مشكلتك ، انا مثلا بشرتي تطلع لي حبه او حبتين كل كم شهر و تعلم مكانها فيعني عدم توحد البشره و نوع بشرتي مختلطة، يعني لازم تبحثين عن المنتج من اكثر من رفيو و الاهم تقرين عن المنتج نفسه ومكوناته عشان لمن تستخدمين منتج جديد اول ماتقرين عنه بتعرفين بيناسبك او لا .
مواضيع ممكن تهمك و تفيدك أنواع البشرة و تكنيك الطبقات
هذا الروتين يناسب اللي تحب تستخدم منتجات مافيها مواد مضره للبشره او مناسب للحامل اللي دايماماتلاقي ايش يناسبها .
غسولات البشرة
Double cleansing Method
هذا التكنيك اللي انا استخدمه و أفضله اللي تنظيف البشرة بمرحلتين اول بمنتج زيتي و بعده بغسول و على حد علمي هي طريقة كوريه عشان تتاكدين انه بشرتك تنظفت ١٠٠٪ من الرواسب سواء مكياج او منتجات عنايه او واقي شمس و ينعمل مساء فقط .
يمين الصورة المنتجات الزيتيه :
Tata Harper Nourishing Oil Cleanser
بالنسبه لي أفضل غسول زيتي عضوي مر علي بحياتي ، ريحته ومفعوله كيف يشيل كل شي حتى مكياج العيون ولطيف عالبشره .
مكوناته : من زيوت و اعشاب عضويه مضاده للشيخوخه مثل فايتامين A ,C,E ,Omega-3 .
الاستخدام : على بشره جافه يتوزع و تسوين مساج و اما تمسحينه بقطن او تغسلين وجهك.
The Pendulum potion complete cleansing oil
تكلمت عنه في موضوع May lindstrom skin
غسول الزيت وهذا النوع من الغسولات يعتبر اول خطوه لي قبل الغسول الصابوني فصدقوني لمن اقول جربت كثير وهذا يعتبر من ضمن مفضلاتي ، ريحته عضوي كاني طالعه من سبا ، كل مكوناته مضادات اكسده و فايتامينات للبشره ، الأهم يشيل المكياج و ينظف بشرتك بدون لا يزيتها خاصه انه بشرتي مختلطه فاختياراتي بالزيوت مره دقيقه
الطريقه : توزعينه على بشره جافه وتبللين اصابعك مويه و تعملين مساج على كامل الوجه و بعدها تحطين فوطه مبلوله مويه دافيه فوق وجهك و تمسحينه ، انواع الشعور بالراحه تحسين وجهك تنفس
يسار الصوره الغسولات :
Tata Harper Clarifying Blemish & Oil control Cleanser
غسول برغوه خاص للبشره الدهنيه او اللي تعاني من حب شباب , مناسب للبشره الدهنيه و المختلطة
مكوناته :
انزيمات زهرة التين الشوكي،يساعد بتجديد البشره و ازالة الرواسب بدون تجفيف البشره
توت العرعر اللي معروف بفوائده للبشره مثل علاج البقع الداكنه فالبشره ،ويوازن الاس الهيروجيني بالبشره . (موضوع الاس الهيروجيني )
طحالب الكلوريلا يساعد بترطيب البشره و تغذيتها و هو اللي يعطي الغسول اللون الاخضر
طبعا مكوناته كثيره و كلها عشويه ١٠٠٪ ، اللي يميز منتجات تاتا هاربر انها كلها مصنوعه من نفس الشركه بالكيميائين الخاصين فيهم و من مزارعهم الخاصه خاليه من المكونات الكيميائيه .
الطريقة : غير عن الغسولات ، خضي الغسول كويس قبل الاستخدام و يوزع على بشره جافه و بعدها تضيفين المويه .
Mama Mio Gorgeous Glow
من أفضل الغسولات اللي جربتها رغم انه مكوناته خفيفه و لطيفه ، مكون من جوز الهند و حمض اللاكتيك ، وشجرة الشاي . ينظف البشره و يعطيها الحيويه و شخصيا احس بشرتي نظيفه بس مو ناشفه و هالشعور احبه بالغسولات .
رأي : يناسب الجميع مو بس الحامل و نعم انصح فيه و من كثر ماعجبني ممكن اجرب الكولكشن كامل .
تونيك البشرة
هدف التونيك يرجع الph حق بشرتك للطبيعي وطبعا في منه انواع من شركات مختلفه و مكونات مختلفه على حسب احتياجك وفي عضوي و ابسط مثال للعضويه مويه الورد لكن انا بتكلم عن نوعين واحد تقدرين تسوينه بالبيت
يسار الصوره تكلمت عنه وسويته معكم بموضوع “تونيك خل التفاح ”
يمين الصوره تونيك CITRUS AND CITRINE REGENERATING TONING MIST من leahlaniskincare
التونيك احس بالنسبه لي اعطيه ٥/١٠ ، ريحته منعشه ليمون على برتقال شوي ، لكن ماحسيته مفيد لي و انا من اول اسبوع اقرر اذا عجبني المنتج او لا سواء عضوي او طبي لاني اعرف بشرتي ، و هذا بالنسبه لي زي بخاخ ماريو بدسكو او بخاخ مويه الورد لكن الفرق انه هذا في مكونات مفيده وعضويه ١٠٠٪ وفيها زيوت ترطب و تنعش البشره و كمان توحد لون البشره ، زي ماهو واضح ماكملت و صرت استخدمه مع ماسكاتي .
زيت البشره
بالصوره اخترت لكم أفضل زيوت للبشره بالنسبه لتجربتي .
من يمين الصورة
The youth dew balancing facial serum | maylindstrom
سيروم خاص للبشره يحتوي على ٢٠ مكون من اعشاب و زيوت عضويه يحتوي على بروتينات و انزيمات لعلاج البشره الناضجه بترطيبها و يعالج البشرات اللي ممكن تعاني من حب الشباب. يجدد البشره و يعالج التجاعيد . المكونات موجوده في صفحة المنتج ، اللي يعجبني بمنتجاتها انها عضويه ١٠٠٪ و مصنوعه يدويا من نفس صاحبة الشركة .تكلمت عن تجربتي مع منتجاتها بموضوع May lindstrom
توني و انا اكتب هالمقاله استوعبت اني سميته بنفس اغلب السيرومات و خاصه السيروم اللي تكلمت عنه قبل شوي ببساطه معناها الشباب لانه فعلا يعطيك هالمفعول تحسينه يشد البشره و كذا تحسين بشرتك تغذت ، من مكوناته الجميله اللي اغلب اختياراتي كانت لزيوت عضويه اللي فاغلب السيرومات اللي تعالج هالمشكله و كمان يعالج التصبغات او حب الشباب او الجفاف اعتبر هالسيروم سحر ، تقدرين تسوينه بنفسك من موضوع “YOUTH SERUM” او موجود بارثلي
كريم العين
100% PURE Coffee Bean Caffeine Eye Cream
كريم عضوي مصنوع من ٣ انواع قهوة يعني بيحرك الدوره الدمويه فيساعد من تقلي انتفاخ العين و هالشي يساعد بعلاج الهالات السوداء كمان ، و من زيت بذور ثمر الورد المغذي للبشره و فايتامين سي اللي يساعد بانتاج الكولاجين يعني مناسب لعلاج التجاعيد .
رأى : ريحته فانيلا لاتيه شي يروقني كثيير قبل النوم ، وماعندي انتفاخات فما اعرف اذا مفيد ، لكن حسيته يعطي رونق واضاءه لتحت العين رغم انه نومي وقتها ماكان كويس .
المنتجات اللي مو عضويه لكن ضروريه بالنسبه لي
واقي الشمس اللي ادمنته مناسب للبشره المختلطه او الدهنيه او اللي تعاني من حب الشباب ، خالي من البارابين او العطور . ابحثي عنه اونلاين او موجود بأوتاد “اضغطي هنا“
كريم خاص لتجفيف حب الشباب ، خاصه اللي ماتقدر تستخدم سالسيلك اسيد او فيتامين أ اللي هم خاصين لعلاج حب الشباب ، هذا مناسب جدا و يؤدي الغرض و يعتبر ممتاز من تجربتي .تحطينه عالحبه او مجموعه الحبوب قبل النوم والحمدالله بيجففه لك من موقع ماريو بدسكو .
شكرا
