أهـــــلا أهـــــلا
الموضوع الأول لكريمات العيون (اضغطي هنا)
Skin Doctors Eyecircle – for serious under-eye circles
هذا تحديدا لعالج الهالامات السوداء الصعبه ، شخصيا شريته ممكن ٣ مرات بسنين متفرقه و كل مره استخدمه فعلا الاقي تحسن بسيط ، لكن لا تنسين ماينفع فقط تحطين الكريم و انتي تسوين كل شي مضر مثلا ماتشربين مويه ، السهر ، اكلك مو صحي … الخ ، الكريمات عباره عن منتج يساعد لكن مو علاج لحاله ، يعتبر المنتج سعره غالي مقارنه باللي موجود بالسوق لكن اذا يستاهل التجربه من وجهة نظري .
The Eye Concentrate – La Mer
المنتج يعتبر غالي من ال Highend skincare products ، رغم كل المدح اللي كان فيه الشي الوحيد اللي فادني هو ترطيبه كان جميل يخلي بشرتك مخمليه غير كذا ماشفت اي نتيجه لا من تجاعيد ولا هالات و الترطيب تقدرين تلاقينه من كريم العين من كيلز – الافوكادو او كيرم العين من بوبي بي براون .
نبدأمن اليمين
Kakadu C Eye Soufflé | DERMAdoctor
ديرمادكتور اخذ ضجه عالفاضي ، سعره على حجمه مايستاهل وخاصه اني ماشفت غير ترطيب ممكن الاقيه من كيلز او بوبي بروان بشكل افضل يعني من الاشياء اللي ندمت شريتها رغم انه يحتوي على نسبه عاليه من الفايتامين سي لكن اذا كانت عندك هالات سوداء حول العين “محترمه” هذا ماراح يعطيك نتيجه و كميه المنتج مره قليله ..
A.G.E. Eye Complex for Dark Circles | Eye Cream | SkinCeuticals
قبل كم سنه جربته وكان ممممتاز من سكن كيوتكلز و اذكر خفف هالاتي ورطب وعالج التجاعيد 👌🏽 بس للاسف حاليا صايره عيوني تتحسس منه وتنتفخ لكن يستاهل التجربه خاص لعلاج التجاعيد ، لانه مكوناته تحتوي على مضادات الشيخوخه و يعالج الانتفاخ و الهالات و شركه سكن كيوتيكل من الشركات المفضله عندي
Filorga OPTIM-EYES Eye Contour
لافلورغا ممتاز لكن اخذ ضجه كمان زياده عن اللزوم ، يعتبر بالنسبه لي حلو قبل المكياج لان يشد تحت العين تحسين الجلد تحت العين انشدت ، مايعالج الهالات لكن حلو للتجاعيد فيعتبر من الكريمات الحلوه للتجاعيد
تقدرين تجربين تسوين ماسك للعين مريح ويبرد و يحرك الدوره الدمويه فتحسين الهالات خفت كثير موضوع عيون الباندا (اضغطي هنا)
شكرا
