كريمـــات لعلاج التصبغات

12750344_154128414972888_1608048461_n

أهــــلا أهــــلا

من المواضيع القديمة بحسابي بانستقرام

من أكثر الاسئلة اللي تجيني “انا عندي تصبغات ،انا عندي علامات حبوب ،تعرفين كريم مبيض ؟”

أول شي لازم تعرفين اي شي مكتوب في مبيض مو يعني بتصيرين بيضا ، يعني بيفتح لك التصبغات اللي صارت لك سواء من الشمس او من الحياة بشكل عام يعني اهتمامك ببشرتك ، ويوحد لون بشرتك يعني يرجعك للونك اللي انولدتي فيه .. اسفه بس هذا الواقع ، والافضل دايما اي شي في مفتح او غيره تستشيرين دكتورتك لان بعضها تتفاعل بشكل عكسي و يزيد افراز الميلانين في البشرة ويصير نتائج عكسيه

بالصورة حاولت ادور بعلبة المنتجات اللي لها سنتين بغرفتي ولقيت الحمدلله كم منتج ، باختصار احب اليمين واليسار

سكينورين تعرفون قد ايش احبه و ازعجتكم فيه وتكلمت كثييير عنه واحبه مع اكرتين على الحبة فقط او علامة الحبه و يرووح خلال اسبوع (طريقتي تكلمت عنها) او تقدرين تستخدمينه على كل الوجه ، و سكين دوكتر ممكن خامس علبه ( لكن وقفته لانه بدأ يطلع لي حبوب لان حالة بشرتي شوي دهنيه عن العاده في هذي الفترة) من المنتجات اللي بطيء يوحد اللون او اي علامه بالوجه بس مايقشر و خفيف نفس ملمسه و شكله عالبشرة يجننن يعطي انارة للبشرة ويرطب وفعلا يوحد اللون بس ياخذ وقت و جداا جميل قبل الفاونديشن

الثلاثه بالنص افالون كثير يحبونه انا شخصيا مااحبه ابدا ريحته لا تطاق  واللي بعده الاثنين ممممتازين بيوديرما ،يو وايت  لكن باستشارة طبيه فعلا يفتحون البقع وعبارة عن سيروم ، اذكر السنة الفاتت من كثر ماالبس كعب اجرح رجلي فكنت ارجع اغسل ولمن تعلم احط وحده منهم و بسررعه يروح
كلهم ينفعون للوجه،الرقبه،و اليد و الرجل و الركب والاكواع ،والظهر و اي منطقة بالجسم
شخصيا افضل دايما استخدم المنتجات الطبيه اكثر من الهاي اند للبشرة ،ارخص و مفعول أفضل بكثيير  عن تجربة
نصيحة: كريمات التفتيح ماينحط حول العين

شكرا

Leave a Reply