روتيني بالعناية بشعري الكـــــرلي

( Sep 9,2015)

أهــــلا أهــــلا

موضوع اليوم عن طريقتي الشخصية بعد كل حمام لكن زي ماتعرفون انا احب اغير كثير فيختلف روتيناتي لكن اذا حبيت اخلي شعري كرلي مرتب وطبعا هذا الأكثر شي لاني مااحب استشور شعري .. فاعمل هالروتين

لكن قبل مانبدأ برجع اذكركم بقواعد اساسيه للشعر الكرلي ومن تجربتي الشخصية :

  • ماسك ترطيب مكثف مرتين بالاسبوع او اقل شي مره بالاسبوع

  • ما تمشطين شعرك بعد الحمام او اذا مشطتيه ارجعي بلليه عشان مايصير منكوش Frizz-Free

  • الشعر الكرلي ما توصله زيوت الشعر الطبيعيه اللي بالجذور زي الناعم فيحتاج تهتمين فيه اكثر و هو اكثر عرضة للتقصف

 هاشتاق خاص للشعر الكرلي بانستقرام

#curly_queens

و للتذكير اذكر قد قلتها بانستقرام الشعر الكرلي  curly انوااااع مو نوع واحد فكل وحدة بيختلف طريقتها , وبالصورة انواع الشعر المختلفه 

مثلا بهالصورة زي ماتشوفون هذي كل الأنواع لكن ممكن تلاقين شعرك ياخذ صفتين مو شرط نوع واحد  انا  نوع شعري 3A

 طريقتي

قبل الاستحمام

  • مشطي شعرك جيدا انا شخصيا جربت كل أنواع الامشاط وما ارتحت  للمشط الخشب اللي ازعجوني فيه و تحت بالصورة ايش اكثر الامشاط اللي ريحتني شخصيا وماقطعت شعري التمشيط يبدأ من تحت وشوي شوي تطلعون فوق .. عشان ما يتقطع الشعر بحط لكم فيديو تحت

  • استخدمي شامبو خاص للشعر الكرلي (مموج) او انا شخصيا لي فترة استخدم بانتين لكثافة الشعر و جدا مرتاحه عليه و طبعا غيره كثير و احب كل شهر اغير .. البلسم جدا مهم لكل الشعر ما عدا الجذور .. اشطفي البلسم جيدا و لكن اذا كان قبل النوم ممكن تتركين القليل جدا على اطراف شعرك

  • ..و طريقة تحميم الشعر بالمقلوب افضل طريقة بشكل عام لكل أنواع الشعر عشان تتحرك الدورة الدموية

 بعد الاستحمام كيف تتعاملين مع شعرك 

  • شخصيا امشط شعري باصابع يدي فقط!! لا تستخدمين المشط  الا اذا انتي من النوع اللي يتشابك شعرك او شعرك من النوع الكرلي بزيادة ممكن تستخدمينه لكن تاكدي انك بتبللينه من جديد او يكون اساسا يقطر مويه عشان ماتصير فيه نكشات .

  • قبل  تنشفي الماء الزائد و هذي اهم نقطة لان كثير ينشفون شعرهم أو يمشطونه و يحطونه بفوطة لين ينشف وبعدين يستخدمون الكريم و يطلع شعرهم ملبد او خايس

  • نرجع نقول  خاصة اذا كان شعرك  مبلول ضعي عليه سيرم شوي و بعدها كريم جيدا في كل شعرك ماعدا الجذور و حاولي كل خصلة تتاكدين جاها من الكريم حتى لو تقسمين شعرك و توزعينه (بوريكم تحت فيديو)  أنا شخصيا استخدم بانتين كريم بديل الزيت للشعر المصبوغ او الشعر المتقصف او الملكي (الصورة تحت) و هذا المفضل عندي و الحين صار غيره كثير بحكي عنهم تحت  …ووزعي الكريم ايضا بالمقلوب.. 

  • بعد توزيع الكريم .. قومي بتنشيف الماء الزائد فقط بضغط الفوطه على الشعر و صره لكن دون فركه و دون سحبه على تحت –و حاولي تكون الفوطة ميكروفيبر او قطن 100% عشان مايصير فيه نفشاتتحت بحط لكم فيديو أمثله عن طريقة الاستخدام 

  • واتركي شعرك يجف اما بالفوطة او بالهواء بدون ماتقعدين تلمسينه لمن ينشف تقدرين تفرقين الكرلز او اذا مستعجله استخدمي استشوار فيه دفيوزر (اذا حابين أتكلم عنه اكتبولي بانستقرام )

  •  طبعا اذا نشف بعض الأحيان تكون شعرات نكشت حطي شوي كريم بس على الخصلات هاذي  

  • و عشان يلمع حطي من نفس السيروم نتفه على باقي الشعر بعد مانشف 100%

 

كذا خلصتي اذا روتين يومي اما اذا تبينه لمناسبه و يقعد مرتب طول اليوم اعملي هالاضافه

  • حطي موس للشعر اللي مكتوب للشعر الكرلي curly hair في موس  من لوريال او بانتين

  • خطوة أخيرة إضافية في حالات خاصة  بعض الأحيان مهما عملتي اما بسبب الرطوبة او بسبب الصبغات لمن ينشف شعرك رغم كل الخطوات السابقة .. نفس الشعر من الامام الكرلي غير مرتب .. لذلك يمكنك استخدام الفير لبعض الخصلات في شعرك .. و فقط للخصلات المنكوشة و كذا شعرك صار زي الشعر بالمجلات لكن فوتوشوب طبيعي

قبل النوم 

أحب ارفع شعري و اسوي طريقة الأناناس (بحط لكم اكثر من طريقة تحت) عشان احتفظ بالكرلز زي ماهي لليوم الثاني 

نصيحة مهمة

 بعض الكريمات مثل بديل الزيت من بانتين اللي تجي ثقيله مايصلح أبدا تستخدمينها على شعر جاف او حتى رطب لازم  و على شعر مبلول لكن للاسف في ناس تستخدمه غلط فما يعجبها .. و الاهم ماينحط على الجذور و في بعض الكريمات يجي ملمسها خفييف هذي عادي جدا ينحط و شعرك جاف عشان يضبط النفشات و اذا ماعندك منها بللي هالخصله شوي و حطي نتفه من بديل الزيت و بيضبطها لك 

فيديو لطرقتي و اكثر من طريقه اضغطي هنا

بذكر لكم بعض المنتجات اللي تعجبني او جربتها

 

 

John Frieda Frizz Ease  

اليمين يعتبر اخف و تقدرين تستخدمينه بعد ما ينشف شعرك و هو جاف يحتوي على زيت الافوكادو .. اليساربالضبط زي مااستخدم بديل الزيت

غير متوفر بالسعودية واذا توفر علموني تحت بالتعليقات عشان احكي عنهم لانه يستاهلون فعلا 

 

Briogeo Curl Charisma 

يرطب ويغذي الشعر يشكل الكرلز يقلل النفشات 

يحتوي على زيت الافوكادو والكينوا و الاحماض الامينيه 

مايحتوي على البارابين او السيلكون أو مواد ملونه او عطور 

90% من المواد الطبيعيه

ملمسه كريمي خفيف

ريحته تفتح النفس بس لازم تستخدمينه و شعرك مبلول و الاهم شامبو و بلسم مناسب لريحته لان ممكن اذا حطيتيه بشعر جاف تقلب ريحته واستخدمه بالضبط نفس مااستخدم بديل الزيت من بانتين طريقتي اللي فوق

 

 

Nourishing Coconut milk split End mender

متوفر عندنامن صيدلية وايتس هذا بجوز الهند و بروتينات تساعد في ترطيب الشعر و علاج تقصف الشعر مرره يعجبني و في ثاني للاسف خلصت العلبه

فما قدرت اصورها لكن هذ صورتها بانستقرام اضغطي هنا

 

Palmer’s FRIZZ treatment serum

سيروم من بالمرز اتوقع حكيت عنه كثييير بحسابي استخدمه لي سنييين ولازم يكون عندي من أفضل السيرومات للشعر الكرلي تحديدا 

فيه فيتامين E , الالوفيرا وواقي شمس 

فعلا يرتب شعرك و يشيل النفشات Anti-frizz

بس لا تكثرين عشان ما يزيت شعرك

موجود عندنا بالسعوديه بكل مكان 

Dessange, huile sublime nutri-générante – Extrême 3 huiles.

 فيه 3 انواع زيوت الارجان , كاميليا وبراكاكسي(pracaxi)

يعني يحتوي على فيتامين Eيعيد الحيويه للشعر التالف و يغذي و يرطب الشعر و يعطيه لمعه جميله

ريحته تجنن و مايزيت الشعر بالعكس جدا خفيف

يناسب الشعر المصبوغ او الاشقر او المعالج كيميائيا

تقدرين تستخدمينه و شعرك مبلول زي فوق او بعد الاستشوار او حتز و شعرك جاف يعطي لمعه وريحة جدا جميله

 Pantene Pro-V

بديل الزيت -علاج ملكي للتلف

ما يحتاج اقولكم هذا حبي الأول والأخير ومن سنين معتمده و اطبق نفس كلامي اللي فوق لمن استخدمه

اذكر صورت لكم بسناب بديل الزيت من لوريال اللي كل حساب بانستقرام تكلم عنه الا انا تكلمت عنه بسناب قبل لا اسافر للاسف ضيعت علبته  يمكن رميته المهم هذاك جميل ريحته وجميل مفعوله اليوم الاول فقط  لكن لمن انام و اصحى  يصير شعري جدا جاف كاني ماتحممت لي 4 ايام فما حبيته و ما اظن بشتريه الا لو اعرف بحطه اليوم وبتحمم بكره و بس لان ريحته حلوه 

 

و أخر شي فوطة للشعر الكرلي منشفة (فوطة) ماكروفايبر تقلل من نفشة الشعر  في منه بساكو والدانوب  مااذكر وين كمان بصراحه و طبعا اونلاين 

او استخدمي تي-شرت قطن و الطريقه اسمها plopping method

و اتركم مع بعض الفيديوات المفيده

فيديو ١ اضغطي هنا 

فيديو ٢ اضغطي هنا 

فيديو ٣ اضغطي هنا 

فيديو لتنشيف الشعر الكرلي

اضغطي هنا

شكرا ♦

Leave a Reply