Quick Fix كويك فكس

 
أهلا أهلا
باللي يدورون الكويك فكس (نتايج ام دقيقه)
  • أول شي مافي حاجه بيبيضك بالحياة غير ابر ومواد كيماويه لكن في اشياء و طرق ترجع لونك الطبيعي اللي انولدتي فيه
  • مافي شي بيوم و ليله يعني نظام (انا كم يبغالي؟ ) شيليه من القائمه حقتك أنا بشرتي غير انتي بشرتك غير كل وحده فينا بشرتها غير
  • مافي شي اسمه للابد يعني ( أنا اهتم و اهتم ولمن اتركه يرجع كل شي ) طبيييعي مو شي غريب لانك ترجعين تتعرضين لنفس الاشياء اللي سببت لك المشكلة عشان كذا في شي اسمه روتين محافظه
  • اللي تقول (أنا مافادني شي أو انا سويت كللل شي ومااستفدت او انا مافي خلطة او كريم ماجربته و مانفع ) حبيبتي لو انك اسمنت ؟! شوفي وين الغلط فيه و عالجيه اما اختيارك للشي غلط او تكنيكك غلط او مشكلتك عويصه و استسلمتي بسرعه عاد كل واحد ادرى بنفسه .
  • تجميع الخلطات ومن موقع لموقع وحوسة و فالاخير يومين و تسحبين بعدين تجين تشتكين انه مافادك او مالقتي نتيجه ماينفع كذا ؟!؟ ولا كان لقيتي مافي الا منتج واحد بالسوق كل ماحبينا نصلح مشاكلنا استخدمناه يوم وخلاص .
فالاخير تحتاجين روتين واحد تمشين عليه وتستمرين و لازم تتعلمين عن بشرتك و احتياجها محد كامل انولد يعرف كل شي كلنا تعلمنا من تجاربنا و من بحثنا فمايضر تضيعين شوي من وقتك و تتعلمين عن بشرتك قبل لا تدورين (طريقة تبيض او طريقة علاج) دوري اول سبب المشكلة بعدين دوري العلاج …حتى لو بتروحين لدكتور البحث مهم وقوقل مايقصر
بهذا الموضوع حابه أحكي عن روتيني الشخصي كل مارجعت من سفر او بعد الليزر غمقت كثير مناطق لان بشرتي حساسه ومستعدة للتصبغ بسرعه و الاهم لمن اهمل نفسي لوقت طويل و حابة ارجع الرونق لبشرتي .. زي ماقلت لكم فوق الاهتمام روتين فطبيعي جدا اذا اهملت بيرجع المشاكل اللي قبل مثلا تصبغات او جفاف او حب شباب او شعر تحت الجلد .. الخ
الروتين باختصار

سنفرة و ترطيب

بدون مبالغه هذا مختصر الاهتمام و اللي بيحافظ على بشرتك
السنفرة تشييل الجلد الميت

ايش يسوي الجلد الميت ؟

يعمل  تصبغات و شعر تحت الجلد و جفاف و عدم توحد اللون و حب شباب و الخ
مثلا انا كيف اكون تصبغات بجلدي غير الليزر لمن ارطب كل يوم و لمن اتحمم بس صابون و اطلع ارطب مع الوقت تتصبغ اماكن لان يتجمع الكريم يوم عن يوم عن يوم وماتستفيد بشرتي من الكريمات خاصة انه بشرتي جافه يعني بسرعه الجلد الميت يتكون.. ولا تقدرين تشوفينه بالعين المجردة .

الحمام المغربي او الحمام بشكل عام

باختصار حمام يكون فيه بخار فيتفتح المسام و تبدأين تفركين سواء بصابون مغربي او سنفرة او الخ سواء حمام مغربي او تركي او سوداني المهم في بخار يساعد انه بشرتك تبدأ تشيل الجلد الميت بسهولة

الترطيييب

أهم شي بالحياة , اناكنت مهمله من هالناحية من سنين و سبب لي علامات تمدد صغيره بخصري لاني كنت رياضيه جدا ووقفت فجاه لاسباب خاصه فطلعت لي علامات تمدد سترتش مارك , لكن عشان مايطلع زيادة حاولت اتذكر اني ارطب دايما لو تعرفون الفوائد . أول شي يساعد
١- بشرتك تقعد شابة
٢- يبعد التجاعيد عن البشرة (نعم الجسم يطلع له تجاعيد)
٣-مايخلي السترتش مارك (علامات التمدد) تطلع لك
٤-يورد البشرة و يغذيها فتشوفين فيها لمعه طبيعيه و نضارة

كيف اعرف ايش يناسبني؟

على حسب المشكلة اللي تعانين منها
في ناس عندهم حب شباب أو تصبغات او جفاف او علامات تمدد الخ .. عشان كذا في انواع كريمات
شخصيا من بعد الزبدات اللي استخدمها ماعاد اشوف كريم يعجبني لكن وقت الدلع احب نيفيا او دوف
بعض المواضيع اللي بتفيدك لو مسكتي قلم وورقة و كتبتي اللي تبغينه و قسمتي على حسب احتياجك
 اضغطي هنا حمام كوين المغربي الملكي (طريقتي )
اضغطي هنا لموضوع السنفرات
اضغطي هنا لموضوع المناطق الحساسة
اضغطي هنا لموضوع سمكري نفسك
اضغطي هنا لموضوع ماسك الافوكادو

و الاهم هذا روتيني المعتاد لQuick Fix

واللي كمان اسميه شهر كوين 

الاسبوع الاول
 اليوم الاول اعمل اي سنفرة احبها مثلا بوتيليشس او هالك او اي وحده من سنفراتي
و بعدها ارطب بكريم الكل فالكل ملخبط مع كريم فكس (اسميهم كريم سمكري نفسك)
اليوم الثاني اعمل ماسك كوين 2في1
و ارجع استخدم كريم سمكري نفسك
و ارجع اعيد هالايام مره 1 و مره 2 و طبعا يوم واحد اخذ اجازه مااسوي شي
الاسبوع الثاني
اعمل نفس الروتين لكن فقط 4 مرات بالاسبوع
الاسبوع الثالث
فقط 3 مرات
بعدها يصير روتين بسيط من مرة الى مرتين بالاسبوع
والحمدلله عالسلامه

1 Comment

  1. Mariam
    November 22, 2017 / 6:51 AM

    حبيت الموضوع مختصر و مفيد و كلامك صح ١٠٠٪؜

    شكررراً

Leave a Reply