Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Layering like a Pro تكنيك الطبقات

أهـــــلا أهـــــلا

نبدأ بكلمة layering يعني اضافه طبقات ، بموضوعنا اليوم بحكي عن طريقة استخدام اكثر من منتج وترتيبهم .

وطبعا مهم انك تعرفين ترتيب المنتجات عشان تستفيدين من المنتج و بنفس الوقت عشان ماتتحسس بشرتك او تجففينها او تطلع لك حبوب .

نبدأ بأول منتج “مزيل المكياج”

تستخدمينه اذا كان في ببشرتك مكياج ، او واقي شمس او اي منتج فيه سيليكون ..انواع مزيل المكياج كثيره منها الزيت  ، الزيت الكريمي ، الحليبي ، اللي مثل التونر , شخصيا أفضل اللي تكون زيتيه وعضويه ، مثلا جوز الهند أو الجوجوبا .. توزعينها على بشرتك وحول العين وتسوين مساج بحركات دائريه برقه وبين الرموش وبعدها تمسحينها بمنديل او فوطة خاصه لازالة المكياج . او اذا تحبين مزيل مكياج مثل بيوديرما تحطينه بقطن وتوزعينها على كل بشرتك لين تشيلين المكياج .

ثاني منتج “الغسول “

ينفع الصباح و مساء ، بعد مزيل المكياج نغسل بالغسول وتختارينه على حسب نوع بشرتك .

ثالث منتج “تونيك”

هدف التونيك يرجع الph حق بشرتك للطبيعي وطبعا في منه انواع وفي عضوي ، شخصيا افضل اللي يكون فيه احماض فواكه اخف حمض هو اللاكتيك ، لكن انا احب الجلايكوليك اسيد لانه يساعد بتقشير البشره بس بدون مايبين قشور او غيره و يوحد لون البشرة ويحمي من التجاعيد ويناسب بشرتي المختلطه المايله للدهنيه بعكس اللي بشرتهم حساسه يناسبها اخف شي مايحتوي على احماض .

رابع خطوة “المعالجات “

هنا الخطوة المهمه هنا يجي منتجات العلاجيه مثلا ريتن-اي او مضادات الشيخوخه السيروم او سالسيلك اسيد او بينزويل بروكسيد .. عشان تلاقين افضل نتيجه يحتاج تكون على بشره نظيفه مافيها منتجات او جلد ميت عشان تعطيك افضل نتيجه .

((لكن )) في اشخاص مثلي يحبون اكثر من منتج في هذي الخطوة لكن لازم تعرفين في بعض المكونات اما تلغي مفعول منتج او تقلل من تاثيره او تزيد من تاثيره لدرجة تحسس بشرتك .

مثلا

(الريتونويد (من مشتقاته فيتامين ريتن-اي Retin-A

مايستخدم مع فيتامين سي او بينزويل بروكسيد اواحماض الفواكه لكن اذا كنت مره محتاجه تستخدمينهم مع بعض اما تنتظرين من ٣٠ دقيقه الا ساعه وبعدها تحطين المنتج الثاني و تبدأين بالاخف ملمس مثلا سيروم و بعده كريم .

احماض الفواكة acids

مايستخدم من بينزويل بروكسيد او ريتونيد وينطبق عليه نفس الكلام اللي فوق اذا حابه تستخدمينه مع اشياء ثانيه .

فيتامين سي vitamin C

مايستخدم مع ريتونويدز او نياسيناميد

(بينزويل بروكسيد ( معالج حب الشباب

مايستخدم مع ريتونيد ، فيتامين سي او احماض فواكه

نياسيناميد Niacinamid

مايستخدم مع فيتامين سي

ليه مايفضل نستخدمها مع بعض ؟

أحماض الفواكه شرحت عنها في موضوع هيدروكسيات اللي هي AHA ( جلايكوليك اسيد و لاكتيك اسيد ) و BHA ( ساليسيلك اسيد )

استخدامها مع الريتونويد (Retin-A) ممكن يسبب التهاب و تحسس في البشره لان هالنوعين يعتبرون مقشرات قويه وهالشي ياثر على الطبقه الخارجيه للبشرة اللي تحمي البشره و ممكن يحسس بشرتك .

والريتنول اللي هو مشتق من فيتامين أ مايشتغل بشكل فعال فالبشره الحمضيه ، و يخسر خواصه ومفعوله لان البشره تحول هالريتونول الى ريتونويك اسيد فالبشره فهالتحويل ماراح يصير الا اذا البشره كانت في pH معتدل و يخسر هالتحويل ولا يتم في pH حمضي

” تكلمت عن ال pH للبشره هنا

•ريتن -اي Retin -A عكس ريتنول لانه بشكله الحمضي اللي هو ريتنويك اسيد ( هو نفسه تيرتونين tretinoin) فيقدر انه يتأقلم مع البيئة الحمضيه للبشره لكن اذا قريتي موضوعي عن pH بتعرفين زياده حمضيه البشره بتسبب لك تحسس و مشاكل انتي بغنى عنها .

والعكس صحيح بالنسبه لاحماض الفواكه تحتاج انها تشتغل في بيئه حمضيه ، فاذا اضفتي الريتونول اللي قبل لا يدخل البشره ال pH حقه عالي بيرتفه الpH ويخسر حمض الفواكه البيئة اللي يحتاجها عشان يعطيك افضل نتيجه .

لكن هل هالشي يمنعنا اننا نستخدم ريتنويد او احماض الفواكه مع بعض ؟

لا تقدرين طبعا لكن بوحده من هالطرق و شوفي ايش يناسبك منهم

١- واحد تستخدمينه الصباح مثلا الاحماض ومساء تستخدمين الرتنويد (رتن -اي او ريتنول ) وللعلم الحين المنتجات اللي تحتوي على ريتنول وبدون وصفه طبيه صارت خفيفه و لطيفه عالبشره وماتتاثر بالشمس .

٢- يوم احماض ويوم ريتنويد .. او يومين احماض و يومين ريتنويد … او يوم احماض ويوم ريتونيد و يوم مرطب عادي .. او مره بالاسبوع ريتنويد و باقي الايام احماض .

٣- تحطين واحد منهم و تنتظرين ٣٠ دقيقه الى ساعه وبعده تحطين الثاني (مساء) وتحطين الاخف بالملمس مثلا سيروم و فوقه كريم .

شخصيا ممكن احط احماض الفواكه قبل لا انام ب ٤ ساعات و قبل ماانام احط الريتونيد مثلا اكرتين .. وفالايام اللي عندي حبوب الغي احماض الفواكه و اغير روتيني و صورته لكم كثير بسناب .

خامس خطوة  بخاخ الوجه او السيروم المرطب

يفضل استخدامهم قبل المرطبات الثقيله او الزيوت ، يعني تبخين مرطب للوجه قبل السيروم وبعده الكريم المرطب للبشرات العاديه للدهنيه

اما البشرات الجافه ينفع تبخين اكثر من مره مثلا قبل السيروم و بعده وبعدها الكريم المرطب .

السيروم ماتحتاجين الا من ٢-٣ نقاط بعد بخاخ الوجه المرطب .

سادس خطوة  واقي الشمس الكيميائي 

صباحا يستخدم و طبعا تحطينه قبل مرطب الوجه او الزيوت يعني مباشرة بعد السيروم .

مثلا بخاخ وجه -سيروم -واقي شمس -مرطب .. ليه قبل المرطب ؟ لان لو حطيتيه بعد المرطب بيخففه لك و بيصير اضعف بعكس لو حطيتيه مباشره وهو ثقيل بيدخل بين طبقات الجلد ويحميها ، وشخصيا افضل تستخدمين مرطب فيه وقايه صباحا مثلاالمفضل عندي من كيلزاضغطي هنا  .

سادس خطوة  مرطبات الوجه و العيون

مرطبات الوجه مو ضروريه للجميع  اذا استخدمتي سيروم مرطب وبشرتك دهنيه او مختلطه زياده ترطيب ممكن يطلع لك حبوب .. فدامك استخدمتي سيروم مرطب مايحتاج المرطب الا وقت الحاجه .لكنها مهمه جدا للبشرات الجافه

مرطب العين الين اليوم مالقيت شي يملا عيني شخصيا وجربت كثيير تقدرين تشوفينها بانستقرامي الكريمات اللي جربتها .

سابع خطوة  زيوت الوجه

كمان زيوت الوجه مو ضروريه للجميع لكن اذا استخدمتيها لازم تكون اخر خطوه بعد المرطب لانها تحبس الترطيب جوا البشره فبتستفيدين من كل هالخطوات واللي بشرتها دهنيه او مختلطه و في زيت يعجبك ومناسبك تقدرين تستخدمينه بدل المرطب ، يعني بعد السيروم تحطين زيت .. اما الجافه تعمل الخطوات كامله يعني تحطين مرطب و اخر خطوة الزيت .

ثامن خطوة  واقي شمس الفيزيائي

يحتوي على عناصر معدنية مثل أكسيد الزينك التي تعكس أشعّة الشمس الخطيرة وتشتّتها قبل أن تخترق الجلد، إضافة إلى ذلك هي تحمي UVA وUVBالبشرة من أشعّة الشمس ما فوق البنفسجية الطويلة والمتوسّطة

 UVAبعكس الكيميائي يحمي من اشعة الشمس مافوق البنفسجيه الطويله فقط

واقي الشمس هذا تحديدا بعكس الثاني لازم يكون اخر خطوة في روتينك الصباحي

تاسع خطوة ( الفاونديشن )

هنا باخر خطوة تقدرين تحطين مكياجك

 

بشكل عام دائما ابدأي بالمنتجات الاخف مثل السيروم الى الاثقل مثل المرطبات .. والاهم اذا عندك مشكله تحتاج علاج ابدأي بالمنتجات العلاجيه و اخر شي المرطبات او الحمايه ، عشان مايحتاج المنتج العلاجي يمر فوق كل هالمنتجات ويتخفف ماراح يعطيك نفس النتيجه لو كان باول خطوة 

 

اتمنى يكون الموضوع مفيد و حبيت افيدكم بمواضيع من تجربتي وبعد بحث عميق بهالوضوع وعشان توضح الصوره اكثر ارجعي للموايع السابقه 

شكرا

1 Comment

  1. Wafa
    April 4, 2018 / 5:21 PM

    شكرا ياجميله موضوع رائع .. ياليت اقترحتي منتجات اثق برأيك كثيرا

Leave a Reply

error: Content is protected !!
%d bloggers like this: