Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

ماسك حليب الليمون الفاهيدروكسي

أهلا أهلا

 تكلمت سابقا عن فوائد احماض الفواكه والفرق بين الهيدروكسيات(اضغطي هنا)لازم تكونين فاهمه الفرق بينهم عشان تقدرين تتعاملين مع بشرتك بالطريقه الصح ولازم تفهميه ايش يعين الاس الهيدروجيني (اضغطي هنا)عشان تقدرين تعرفين متى بتتحسس بشرتك وليه

 

ماسك اليوم بسيط وسهل واحد للجسم والثاني للوجه

 وكل المكونات موجوده عندك فالبيت ويعتبر ماسك مفتح ومقشر للبشره  عباره عن الفاهيدروكسي اسيد لكن طبيعي ، اساس الماسك الليمون اللي يحتوي على سيتريك اسيد والحليب اللي يحتوي على لاكتيك اسيد

ولمن تحطين الليمون مع الحليب وتخلينه نفس البكتيريا المفيده فالحليب تنهبل وتصير تفرز زياده فتتخمر و يصير تركيز اللاكتيك اسيد اعلى ويصير الماسك الطبيعي اللي ماكلفك شي مفيد للبشره

 

ليه الالفاهيروكسي يخلي بشرتك صحيه ونضره و فيها حيويه ؟

لان كل ماكبرنا بالسن كل ماصارت خلايا الجلد الجديده ماتوصل لسطح البشره بسرعه وخلايا البشره الميته اللي بسطح البشره باليالله تروح باختصار يصير عملية تجديد البشره بطيء فنحتاج تجديد فاما يكون بالسنفره لان فيها حبيبات وتشيل الجد الميت او تقشير كيميائي (هنا مااتكلم عن العيادات لانه موضوع ثاني  )  ،اقصد فيها التقشير الكيمائي باحماض الفواكه ،الفاهيروكسي وفي منها كريمات بالصيدليه لكن اليوم بنسوي شي طبيعي و فالبيت

ماسك الجسم 

المكونات
ليمون ،حليب طازج كامل الدسم ،عسل،شوفان مطحون،رز مطحون                                              

نسخن الحليب ونضيف له ليمون على نار هاديه لين نحس شوي في تخثر (شكل الحليب كانه خرب) نشيله من النار و نحطه بالخلاط مع قطع الليمون نضيف عسل وبودرة الشوفان و الرز

طيب الكميات ؟

اذا بشرتك حساسه تقللين الليمون وتكثرين الحليب مافي كميه معينه على حسب جسمك وتحمله اما العسلملعقه كبيره و البودرات ابدأي بملعقه وبعدها ضيفي زياده لين يصير معك القوام كريمي .

 طيب ليه لازم اسخنه ؟ انا احب الماسكات الحاره للجسم لكن تقدرين تخلين الليمون جوا الحليب بدون ماتسخنينه لكم ساعه و بيتخثر معك والبقايا احتفظي فيه بعلبه بالثلاجه من ٢-٤ ايام وبعدها بيخرب و شخصيا افضل الطازج خاصه الليمون لان ريحته تتغير واصلا ريحه الماسك مو حلوه .

 

ماسك الوجه

 

(ليمون وحليب)                                                              

تحطين قطعه ليمونه مع حليب كامل الدسم او بوني وتخلينه لساعات لين يتخثر و يصير كريمي وقتها تقدرين تضيفين اللي تبغينه معاه او تستخدمينه كماسك للبشره بدون اضافات

شخصيا اضفت ماسكي فريهي (اضغطي هنا) او ضيفي رز او حمص او عسل

أهم شي انك تحطين احتمال بيدغدغ فالبدايه و مايناسب البشرات الحساسه او اللي قاعده تستخدم كريمات مقشره

قبل الاستخدام احب احطه بالثلاجه عشان استخدمه وهم بارد

ينفع يستخدم كماسك لتفتيح المناطق الحساسه ، الابط ، الركب … الخ يعني يعتبر ماسك مفتح من الدرجه الأولى و طبيعي ١٠٠٪ لكن لاتنسين اي شي فيه ليمون بيخلي بشرتك حساسه ولازم ماتتعرضين للشمس والاهم لازم الترطيب

كتب الدكتور جابر غنيه عن التعريف بعلم الاعشاب تلاقونها بجرير وهذا حساب الدكتور في تويتر

د.جابر القحطاني 

 

Leave a Reply

This site uses Akismet to reduce spam. Learn how your comment data is processed.

error: Content is protected !!
%d bloggers like this: