Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

سنفرة السينمون للجسم

img_0308

أهـــــلا أهـــــلا

سنفرة السينمون موجوده بحسابي من ٢٠١٤ لكن بمكونات ثانيه واليوم حبيت اعدل عليها وبنخليها عضوية ١٠٠٪؜

قبل مانبدأ لازم نعرف ايش فوائد السينمون “القرفة” للبشرة

-منع ظهور علامات الشيخوخه والحد منها ، مع تقدم العمر يقل افراز الكولاجين بالبشرة وهالشي يزيد من ترهل البشرة لانه فقد مرونته و السينمون يحتوي على مادة “سينامالديهيد” اللي يزيد من افراز الكولاجين .

-تطهير وتعقيم الجروح لانه يحتوي على المقير من مضادات البكتيريا والجراثيم والفطريات وهالشي يمنع من ظهور الالتهاب

-يزيد من تدفق الدم على سطح الجلد يعني يحرك الدورة الدمويه عشان كذا حلو ينحط عالشفايف زيت القرفه

-يعالج حب الشباب لان تدفق الدم والاوكسجين للبشرة يساعد في جفاف المنطقه وهالشي يساعد وتقدرين تحطين ملعقه قرفه مع ٣ ملاعق عسل كماسك على الحبوب .

-التخلص من خلايا الجلد الميته والتمتع ببشرة ناعمه و صحيه .

مكونات سنفرة السينمون ٢٠١٤

١ملعقه كبيره قرفه مطحونه ناعم

١ملعقه صغيره زنجبيل مطحون ناعم

١كيس ملح الحليب يوكو سبا

نصف كوب زيت جلسرين

وحركيهم جيدا

وحطيهم بعلبه قزاز لعدة استخدامات .

طريقة الاستخدام :

و جسمك ناشف قومي بتوزيع السنفره و قومي بفرك جسمك بحركات دائريه و برقه (الحماس غير مطلوب هنا ) و ركزي على المناطق الغامقه يمكنك اضافة القليل من الماء على جسمك .

بعد الفرك جيدا رشي بعض من الماء على جسمك و قومي بدعكه مرة اخرى .. ثم تحممي

بالماء البارد … لا تنسي ان ترطبي جسمك جيدا باي كريم مرطب مثلا كاستخدام زيت اللوز المر كمرطب.

مكونات سنفرة السينمون العضوية ١٠٠٪؜

المكونات لاستخدام واحد وتقدرين تسوين كميه

٣ملاعق سينمون بودرة

١ملعقه زنجبيل

٢ ملعقه ملح البحر الميت

٤ملاعق سكر

“١ ملعقه كل من “زيت افوكادو ، زيت اللوز ، زيت الارغان

(١ ملعقه عسل (اختياري

تقدرين تستبدلين كل الزيوت بزيت واحد انتي تحبينه و تقدرين بدل الملح تحطين سكر ابيض او بني ..وبس

اهم شي زي مااقول دايما”الحماس غير مطلوب ” وبعد كل سنفرة او حتى شاور لاتنسين ترطبين

“كل المكونات تقدرين تلاقينهم في السبورماركت حتى ملح البحر صار متوفر ..اما الاعشاب احب اشتريهم من “بن منقاش

10763133808_IMG_1029

الاسئلة المكرره :

هل السنفرة مناسبه للجميع ؟

لا غير مناسبه للبشرات الحساسه ،عشان كذا لازم تجربينه على منطقه صغيره .

اي واحد افضل الاول او الثاني ؟

بالنسبه لي احب الاول لان مع وجود ملح الحليب السينمون مايلصق بجسمك بعكس الثاني يحتاج صابون بعده .

هل اقدر اضيف مكونات زياده ؟

اكيد ممكن

هل اقدر اخفف السينمون ويعطي نفس النتيجه ؟

طبعا تقدرين يعني حطي سكر اكثر مثلا ٥ سكر و ١ سينمون .

 

شكرا

1 Comment

  1. November 1, 2018 / 11:34 AM

    Looks like a yummy scrub😍

Leave a Reply

This site uses Akismet to reduce spam. Learn how your comment data is processed.

error: Content is protected !!
%d bloggers like this: