Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

May lindstrom skin

IMG_1628

أهـــــلا أهـــــلا

 May lindstrom اليوم بحكي عن منتجات

بعد اكثر من سنة جا الوقت اني احكي عن هالمنتجات الجميله ،اسم الشركة باسم صاحبة البراند (ماي لندستروم) وهي عباره عن منتجات عضويه للعنايه بالبشره ، كانت تتصنع فبيتها وفمطبخها و مع الوقت صارت من اكبر الشركات للمنتجات العضويه اللي ممكن تلاقينها باكثر من اكبر المحلات اونلاين مثل

Net a porter , Barneys

وغيرهم

 شخصيا انا من المعجبين بمنتجاتها و في قتها و بداياتها تذكرني بنفسي من يوم كنت مراهقه احب العب بالمكونات اللي موجوده حوليني الين ماكبرت و فتحت حسابي و استمريت بهالشي لاني اعتبره هوايه من هواياتي اللي مااقدر استغني عنها ومع الوقت فتحت ارثلي لكن هل بيكبر ويصير في أكبر الشركات ؟ العلم عند ربي

 

High End ,luxury Organic brand منتجاتها ماتعتبر مثل المنتجات التقليديه العضويه تعتبر من الهاي اند

لان كل منتج مكوناته مو عاديه مكون من اعشاب بعضها ماخوذه من مزرعتها أو غير متوفره بسهوله بالسوق او انه منتج اساسا غالي يعني العنايه اللي تحطها لاختيار المكونات تحسسك بقيمة المنتج نفسه وتعتبر منتجاتها غاليه بماانها هاي اند

آول منتج جربته كان ماسك الوجه بالعسل والطين اضغطي هنا

IMG_1636

The Honey Mud ماسك /غسول العسل بالطين

هذا الأكثر مبيعا وفعلا من كثر ماعجبني شريت باقي المجموعه ، الكميه كبيره ، وتحسين بملمس العسل بالطين و ريحته اعشاب و حلبه ، تحسين قاعده تغذين بشرتك ، حتى العسل محافظ على خواصه غير مفلتر يعني ماسك/غسول مليان بالفايتمينات و الانزيمات

تقدرين تاخذين كميه بسيطه وتحطين معاه مويه ويصير  الحليب و يعتبر غسول او تحطينه كماسك

IMG_1639

The problem solver

 ماسك اسم على مسمى معناها “حلال المشاكل” لانه يعالج اغلب مشاكل البشره يعالج التصبغات ، الجفاف ، حساسيه البشره ،يساعد بانتاج الكولاجين ويعالج ويمنع ظهور حب الشباب

يحتوي على مضادات اكسدة ،وبهارات وفحم البامبو والكاكو ، كميته كبيره وريحته مره تريح اعصابي

طريقته : تحطين كميه متساويه منه لانه بودرة و تخلطينه مع كميه متساويه من المويه ويصير زي الموس معاك و توزعينه على بشره نظيفه كل الوجه وكمان تقدرين الجسم و تخلينه من ٣٠-٤٥ دقيقه و بعدها تدخلين الشاور بماء دافئ عشان يتغلغل فبشرتك .

هذا المنتج و اللي قبله من مفضلاتي

 

IMG_1635

The pendulum potion

غسول الزيت وهذا النوع من الغسولات يعتبر اول خطوه لي قبل الغسول الصابوني فصدقوني لمن اقول جربت كثير وهذا يعتبر من ضمن مفضلاتي ، ريحته عضوي كاني طالعه من سبا ، كل مكوناته مضادات اكسده و فايتامينات للبشره ، الأهم يشيل المكياج و ينظف  بشرتك بدون لا يزيتها خاصه انه بشرتي مختلطه فاختياراتي بالزيوت مره دقيقه

الطريقه : توزعينه على بشره جافه وتبللين اصابعك مويه و تعملين مساج على كامل الوجه و بعدها تحطين فوطه مبلوله مويه دافيه فوق وجهك و تمسحينه ، انواع الشعور بالراحه تحسين وجهك تنفس

IMG_1641

The youth dew

سيروم خاص للبشره يحتوي على ٢٠ مكون من اعشاب و زيوت عضويه يحتوي على بروتينات و انزيمات لعلاج البشره الناضجه بترطيبها و يعالج البشرات اللي ممكن تعاني من حب الشباب

(Avocado) Oil,  (Meadowfoam) Seed Oil,  (Olive) Fruit Oil,  (Plum Kernel) Oil,  (Jojoba) Oil, (Sea Buckthorn) Fruit Oil,  (Rosehip) Fruit Oil,  (Pomegranate) Oil,  (Tamanu) Seed Oil,   (Lemon) Oil,  (Bulgarian Rose) Oil,  (Neroli) Oil,  (Coenzyme Q10).

لباقي المكونات اضغطي هنا

 طريقة الاستخدام : على بشره نظيفه مبلوله ، خضي العلبه قبل الاستخدام و من ١-٣ ضخه و زعيها على بشرتك صباحا و مساءا

IMG_1629

The Mask treatment Bowl and Brush

طبعا هذي اضافه حلوه لمجموعتي من الصحون و الفرشايات اللي خلاني اشتريه غير شكله و لونه انه مصنوع يدويا

 

الهدايا اللي جتني مع طلباتي

IMG_1643

The clean Dirt and The Blue cocoon

وعجبوني مره كثير يعني لو بشتري مره ثانيه بضيف هذول المنتجات و بخاخ الوجه بالياسمين وتعتبر هذي الثلاث منتجات الباقيه من مجموعتها اللي ماشريتها بالضافه لمنتجات جديده نزلتها مثل الفوطه و الملعقه الذهب المصنوعه كمان يدويا بيد جوهرجي .

 

ختاماً

نعم انصح تجربين هالمنتج لمن يكون عندك ميزانيه مناسبه لانه يعتبر غالي مو نفس اسعار باقي المنتجات العضويه اللي تلاقينها في ايهرب او امازون او بعض الشركات المعروفه

هل بشتري ثاني اكيد ! لكن لاني احب اجرب منتجات كثيره جديده فمااعرف متى ممكن ارجع اشتريه ، يعتبر روتين جميل يعطي نضاره و رونق لبشرتك

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

error: Content is protected !!
%d مدونون معجبون بهذه: