أهـــلا أهــلا
اختصرت عليكم افضل كريمات عيون جربتها خلال ٣ سنوات ، في شي عالج الهالات السوداء وخلاه يروح “لا” هل خفف الهالات السوداء “نعم” عالج التجاعيد “نعم” عالج الجفاف “نعم” اعطا منظر اجمل لتحت العين “نعم” .. طبعا في غيرهم كثير جربتهم بعضهم من اول اسبوعين ماعجبوني وبعضهم غالي ومايستاهل لكن تذكري كل بشره تختلف عن الثانيه .. فاخترت لكم اللي فعلا حسيت ممتازين لكني انسانه احب اغير و اتوقع هالسبب ساعد اني اكون بلوقر 🕵🏼
مافي شي اسمه ايش الافضل ؟ في شي اسمه ايش يناسبني اكثر عاد هذا على حسب بشرتك و كل واحد وتجربته .. بعضها ممكن تطلع حساسيه للبعض فانتبهوا زي اللي فيها اسييد .. حاليا لي سنة جربت كم واحد جديد و اللي تابعن بسان شافهم فان شاءالله بنزل الكريمات الجديده و راي فيهم
ايش تبحثين عنه بكريم العيون لمن تشترينه ؟
هايلورونيك اسيد او سيراميدز
hyaluronic acid and ceramides
اكثر مكون ممتاز كترطيب و يعطي حيويه لخلايا البشرة ويعتبر مضادات للشيخوخه ، يحارب التجاعيد و يحبس المويه فالبشره .
ريتنول
RETINOL
يساعد بتجديد الكولاجين ،ويقوي البشرة و يعالج التجاعيد او تصبغات اللي من الشمس
فيتامين سي و اي
Vitamins C and E
فيتامينات ضد الشيخوخه يعني تحميك من علامات الشيخوخه مثل التجاعيد ، الجفاف ، التصبغات ويساعد في انتاج الكولاجين .
نيتروبيبتايد
Neuropeptides
نفس مفعول الريتنول لكنه مناسب للبشرة اللي تتحسس من الريتنول ..يحسن منظر البشرة من ناحيه الملمس والتصبغات لانه يساعد بانتاج الكولاجين و الالستين
فيتامين ك
Vitamin k
يساعد بتخفيف او علاج الهالات السوداء .
Hesperidin methyl chalcone
ماعرفت اكتبه بالعربي هذا مكون يساعد بعلاج الزراق او السواد اللي يكون تحت العين و يكون موجود بكريمات العيون او
الوجه
طبعا اغلب هالمكونات مكتوبه باسمها الكيميائي ورا علبة المنتج فيحتاج شوي قوقل عشان تكتشفين اي منتج يناسبك شخصيا مع السنين تعلمت هالمعلومات لاني كنت ابحث ،لكن ارجع اقول استشيري الدكتور .
هل هالكريمات عالجت الهالات بعيني ؟
لا.. لكنها اكيد خففته لان المشكلة مو بس خارجيا لمن يكون عندك فقر دم ،تشربين مويه قليل، تسهرين .. الخ عوامل كثير ثانيه تزيد من المشكلة وانا اعترف بغلطي .. لكن اقل شي انها تحافظ على عيوني ماشااءلله للمستقبل البعيد
♥شكرا
