Flaxseed Hair Mask ماسك بذر الكتان للشعر

أهـــــلا أهـــــلا

كثير شفنا كيف انتشر بذر الكتان في هالسنه رغم انه معروف من سنين لكن مااخذ حقه كفايه الا لمن صار موضه وكل شخص بالسوشل ميديا  تكلم عنه ، شخصيا شفته كثير سابقا و عملت كم مره من سنين لكن مااهتميت اني اشاركه لان اعتبرته مفيد لكن في كثير مكونات مفيده مثله ويحتاج اكثر من خطوه عشان نقدر نستعمل الجل الخاص فيه باختار ولاني مااحب الحوسه الكثيره تغاضيت عنه

بشاركم بهذا البوست طريقه عمل الجل من بذر الكتان ومن الجل بنعمل ماسك للشعر

جل بذر الكتان 

كوب بذر الكتان  شريته من ايهرب( اضغطي هنا )   وكوبين ونص مويه ، نخليها على النار بدرجة حراره عاليه ونحركها لين تغلي و يبدأ يصير المويه شوي اثقل نشيلها من النار و نصفيها لا تخافين حتى لو حسيتيها مويه فالبدايه لمن تحركينها بعد ماتصفينها بتصير جل اذا خليتيها تغلي كثير بيبدأ يتلصق فيها البذور والجل و بيصير صعب تصفينه

كود خصم ايهرب 

QPC903 

ماسك الشعر 

المكونات

جل بذر الكتان

 ملعقه كبيره عسل

ملعقه كبيره جل الصبار العضوي

ملعقه كبيره زيت الخروع الافريقي

ملعقه كبيره  زيت جوز الهند

أنا اضفت ملعقه بودرة الارغان

تخلطين كل المكونات بخلاط يدوي ويصير جاهز ، اهم شي تمشطين شعرك قبل الماسك وهذول افضل فرشايات عندي واحد من سيفورا و الثاني مااذكر شريته وانا مسافره ، بعد تمشيط الشعر  توزعين الماسك  على كل خصله و تمشطين الخصله بمشط سيفورا و تخلينه بشعرك من ١-٥ ساعات و تغسلينه ، يفضل انك ماتحطينه على الجذور تبعدين انش عن الجذور لكن اثناء تبليل الشعر لغسل الماسك اعملي مساج شوي بالجذور و بعده غسليه

وحمام الهنا لكم

شكرا