أهـــــلا أهـــــلا
قبل فتره قررت اسوي سيروم للبشره ويكون عضوي ويعالج التصبغات ، الحبوب ، و يشد البشره ويوحد لونها ، ماتوقعت انه يكون من أفضل السيرومات اللي استخدمتها بحياتي ، واللي اكدلي هالشي كل شوي تجيني طلبات من اللي حولي باني اعطيهم هالسيروم من النتايج اللي يشوفونه على غيري ولانه مو منتج في ارثلي فكنت اخليهم يعملونه لهم كطلب خاص .
صورت طريقة عمل السيروم بسناب اكثر من مره ، و نزل في انستقرام لكن جا الوقت اني اثبته في موقعي .
يعتبر زيت خفيف تتشربه البشره مضاد للشيخوخه ويعالج التصبغات والحبوب .. بشرتي مختلطه و تطلع لي من فتره لفتره حبه والحمدالله مره مناسب لي .
المقادير:
٢م زيت الجوجوبا Jojoba oil
١م زيت روز هيب Rosehip seed oil
١ م زيت اللوز الحلو او المر Almond oil
٢ قطرة زيت فرانكنسنز Frankincense essential oil
٢ قطرة باتشولي Patchouli essential oil
٣ قطرات زيت لافندر Lavender essential oil
٣ قطرات زيت ليمون Lemon essential oil
٢ قطرة زيت نارولي Neroli oil
١ قطرة فيتامين Vitamin E oil
اذا ضغطتي كل زيت بيودك لموقع الشراء ، شخصيا انا استخدمت هالبراند اللي هي عضويه و صالحه للاكل فشوي غاليه ، تقدرين تستخدمين اي شركه اهم شي يكون عضوي ومسحوب عالبارد عشان تستفيدين اكثر .
اخلطيهم و احتفظي فيها في زجاج قاتم عشان مايتعرض للنور او الشمس .
طريقة الاستخدام : تاخذين من ٢-٥ قطرات و توزعينه على كامل بشره الوجه ، تحت العين الرقبه ولا تنسين يدك .
ريحته كانك طالعه من سبا 💆🏽♀️ ينفع تحطينه بوجهك باي مكان بجسمك ، يوحد اللون ، يعالج التصبغات ، يحمي من التجاعيد ، ومرطب ممتاز . طبعا ينفع مساء فقط .
فوائد كل زيت
زيت الجوجوبا (اضغطي هنا)
زيت الارغان (اضغطي هنا )
زيت الروز هيب (اضغطي هنا)
زيت اللوز (اضغطي هنا )
زيت اللافندر (اضغطي هنا)
زيت الليمون للبشره (اضغطي هنا )
زيت الباتشولي (اضغطي هنا )
زيت الفرانكنسنز (اضغطي هنا)
زيت النارولي (اضغطي هنا)
حبيت احط لكم مصادر ثانيه غير رأي بكل زيت ، و كمان تقدرين تبحثين اكثر .
شكرا
تقدرين تطلبينه كطلب خاص من ارثلي بالضغط هنا
